Dit was geensins 'n maklike prestasie nie, MAAR as hulle vandag die skuiling binnegaan – word die bekommernisse van die volgende ete weggespoel terwyl ons opgewonde begroet word deur swaaiende sterte en spinnende lywe. Dit is wanneer ons weet dat die trane, die gesukkel, die gevegte en die voortdurende teleurstelling, alles die moeite werd was op die einde van die dag!

Die verlate mense is gelukkig, en alhoewel die skuiling net 'n "halfpad stop" na hulewige huise is, is hul paaie geplavei met liefde, sorg en kos in die tyd wat hulle saam met hulle spandeer het en hierdie finale belofte sal altyd waar wees:-

“Jy sal nooit weer honger ly nie! Moet nooit weer bang wees nie! Jy sal liefde en aandag ontvang en elke dag kos hê. Jy sal 'n warm bed hê om in te slaap, nooit opgegee of weg gegooi word nie. Ons belowe dat jy geliefd en versorg sal word en dat jou nuwe gesin die belofte nakom wat ons vir jou gegee het.”

Wat is sterilisasie?

Dit is 'n kort prosedure wat deur 'n veearts onder narkose gedoen word. Verkieslik vanaf die ouderdom van 4 – 6 maande maar dit kan ook op 'n baie ouer ouderdom gedoen word.

Sterilisering verwys na die sterilisasie prosedure wat aan vroulike troeteldiere gedoen word. Tydens hierdie operasie word die voortplantings organe, die eierstokke, fallopiese buise en baarmoeder verwyder. Sy sal nie in hitte kan gaan en swanger kan raak nie.

Neutering of kastrasie verwys na die sterilisasie prosedure vir manlike troeteldiere. Tydens hierdie operasie word die manlike voortplantings organe, die testikels, verwyder en hy sal nie 'n wyfie kan bevrug nie.

Adopt, don't Shop

Gaan stap asseblief rond en ontmoet hulle wonderlike diere. Hulle het meer as 1000 honde en katte, Hulle is seker jy sal op ten minste een verlief raak.

Sodra jy jou keuse gemaak het, skryf die kennel nommer neer of vra die personeel vir hulp. Gaan asseblief na hulle kantoor om 'n aannemingsvorm te voltooi.

Sodra die aannemingsvorm voltooi is, sal een van hulle vriendelike vrywilligers jou bel en 'n huisbesoek reël.

'n Huisbesoek gee hulle die geleentheid om die voornemende aanneemgesin te ontmoet en te verseker dat die huis veilig is vir jou nuwe beste vriend. Hulle sal jou bel om jou in te lig of die aansoek suksesvol was.

Hulle aannemingsfooi sluit sterilisasie of kastrasie, ontwurming en eerste inentingin. Jou hond sal ook deur Identipet 'n mikroskyfie kry voordat hy hulle perseel verlaat.

Hulle aannemingsproses vir hulle katte is dieselfde, maar hulle word ook vir FIV en leukemie getoets voordat hulle vertrek.

Dankie dat jy aanneming oorweeg en moontlik vir een van hulle spesiale diere 'n ewige tuiste gee.

Dankie wollies animal project, vir die inligting en ook alles wat julle doen.